| 今日放工同IVY佢地 her her聲走lu~~~因為我地約0左去睇 tarot呀。同事介紹0的，佢地朋友玩過都話好準喎。 我地兩個星期前已make appointment 啦。已唸0左一堆問題想問。 um.....佢準唔準呀.....我覺得佢都好準呀，從你個名就知道你係個點0既人喎。勁呀... 佢話我個人係好stubborn呀....到現時都唔知想點同想要咩。係呱..我同事話好0岩喎。而現在0既工作都好適合我，總之我係適合back-up0既job，唔可以face to face to customer。仲話我條命都冇乜野。只係性格有0的缺憾(stubborn)...哈哈......只係放開0的，唔會成日有不滿。最後就係我個人0既姻緣薄喎....... |
| |
| 今日返工好努力咁清緊手頭上0既野，都有0的進步。聽日俾埋阿sir睇就可以出得，好煩呀..搞0左咁耐，希望冇問題啦。 今晚0左跳jazz，係個阿sir教，點講呢.....好怪，唔太慣，之前跟開都係miss教嘛，但睇番段片又真係幾型喔!下堂要skip0左佢呀因為要返學呀....唸落有0的可惜添。 係灣仔等車返屋企時遇到有警察查遊戲機鋪牌，勁誇張，成廿幾個警察囉，等0左好耐都冇車呀..仲見到佢地收隊添，佢地臨走時有人搞事，好似睇戲咁，雙方都勁多粗口囉，咁就拉0左個人走lu....但點解佢地唔係坐警車0既，係坐普通貨van。奇怪。 |
| |
| 如何應對得體 或許 是不會有一個制式化的解決方法吧 呢排好懶呀.....好似好多野都提唔起勁咁，好多野都唔想做吖.................................................但又好多野等住你去做呀......點算呀....................... 又到HK SHOW啦...今次唔洗落去，可以係Office 清埋上個show0的報價。尋日聽到一件事，有0的唔高興，有人話我地marketing係趁老細係度先OT喎....變態架...你估我地想OT咩........我恨不得準時6點正就走.........................算啦.....唔可以介意咁多。 今個月開始番跳舞lu.....好想keep住跳呀..以前一個星期跳兩日，每次兩鐘。依家冇時間啦，一個星期跳一堂，咁都ok0既。如果再唔郁就會變肥妹啦...唔止小肥咁簡單啦。 P.S. S.H.E. 隻碟<PLAY>勁好聽!!!!!!!!! |
| |
| 今個星期過得真係好快呀........唔知係咪好忙0既關係呢! 星期一: 同屋企人食飯呀...預祝父親節。 星期二: 學琴，好難呀...依家學緊首流行曲，舊boys0既"死性不改"，高音冇問題，但低音就想死呀。 星期三:<魔鬼飯局> 約0左 ANNY, KATA & MONEY去尖沙咀食飯。好難約呀佢地(尤其係KATA CHAN)，食得好飽又高興，very nice..... 星期四:返學．．．努力呀.... 星期五: 跳舞，好耐冇跳啦，抽晒筋呀....開頭有0的跟唔到，但都ok呀。努力呀。 星期六: catina生日，去0左北京道一號<王子飯店>，ok呀..最好味都係個甜品"楊枝甘露"。 明天.....話去燒野食，但唔知去唔去得成呢.......呢幾日都係勁大雨呀。 p.s. 新髮型，評語不一，有0的話好睇，有0的話好似阿嬸呀.... |
| |
| 久違了0既短髮吖............... 尋日同阿vi慶祝生日，我地去0左outback，order 0左好多野，氣水都refill 0左好多次吖....勁肥呀...樣樣野都好肥膩咁。，我地坐0左好耐呀....傾0左好多野添。之後仲去0左食木糠布丁添。好充實的一日呀。 今日訓到十一點幾，練0左陣琴就出去剪髮，依家要努力0的練琴啦，因為我要報考試呀。出到街勁熱lor....上到去本來只係電鬈，但對住塊鏡覺得自己好悶，就叫佢剪短。佢剪個0下都有少少唔捨得呀。 |
| |
